O Concello de Negreira alcanza con éxito a certificación no Esquema Nacional de Seguridade. Cando a Irixoa, o noso Concello superou a auditoria do Centro Criptolóxico Nacional sendo a primeira vez que consegue esta acreditación, de conformidade co ENS que outorga o Centro Criptolóxico Nacional para os sistemas que soportan a tramitación dos servizos descritos no Perfil de Cumprimento Específico de Requisitos Esenciais de Seguridade (CCN-STIC 890A).

As Escolas Deportivas rexistran a maior cifra de usuari@s da súa historia xa que un total de 725 persoas poderán desfrutar dalgunha das 19 actividades ofertadas para esta tempada 2025/26.

O Concello de Negreira pretende dar servizo a todos os grupos de idade, o que demostra a gran aceptación que seguen tendo as escolas municipais que son unha referencia non só a nivel local, senón tamén a nivel comarcal, xa que son moitas as persoas usuarias que proceden de concellos da contorna.

A duración das escolas é de oito meses, comezando hoxe mércores 1 de outubro e rematando o 29 de maio de 2026. Cómpre salientar que entre a oferta, as disciplinas de pádel, pilates e ximnasia de maiores son as que máis usuarios agrupan.

Dende o Concello de Negreira salientamos o “éxito” e a “extraordinaria acollida” que seguen tendo as escolas deportivas nunha clara aposta polos hábitos saudables, a práctica deportiva e o fomento da vida activa, tratando de alcanzar as necesidades dos nosos veciños e veciñas.

Lista de actividades e grupos
 

 O Concello de Negreira executou o aglomerado en quente da vía municipal entre a estrada autonómica AC-447 e a parroquia de de Portor, cun investimento de 116.000 euros mediante fondos do Plan de Obras POS+2024. Tratábase dunha vella demanda veciñal polo deterioro do firme do vial de acceso a Portor. 

 Dentro do Plan de Obras 2024 (POS+2024), está pendente a execución do proxecto da rede de saneamento e estación de bombeo de augas residuais do lugar de Abeanca. O orzamento é de 69.000 euros. E en fase de avaliación áchase o proxecto de aglomerado na Chancela, avenida de Santiago e vial en Cobas, por 43.000 euros, dentro do Plan Adicional, así como a adquisición dun tractor para tarefas medioambientais dentro do Fondo de Compensación Ambiental por un importe de 57.600 euros. 

O Concello ten pendente de adxudicación un terceiro proxecto: o Plan Camiña Rural, da Consellaría do Medio Rural por valor de 70.000 euros para a mellora de camiños en Babión e Campolongo.  

O Concello vén ademais de acometer a instalación dunha bancada para o público na pista de tenis do Complexo Deportivo Municipal de Pedra Mámoa, despois da completa mellora acometida co arranxo das tres canchadas de xogo. 

O Concello de Negreira promove o IV Concurso fotográfico “Día da Muller Rural de Negreira”, co gallo da celebración o vindeiro día 15 de outubro do Día Internacional da Muller Rural. A finalidade do certame é reivindicar o papel da muller no mundo rural, buscándose fotografías que incidan no concepto de orgullo da realidade rural das mulleres de Negreira. 

O obxectivo é facer partícipes ás persoas para que fagan chegar as súas instantáneas, nas que as mulleres deben ter un papel protagonista, con especial atención a aquelas fotografías que plasmen as actividades de agricultura e gandería, así como aquelas outras que se enmarquen dentro do ámbito rural. 

O prazo para presentar as instantáneas será do 1 ao 10 de outubro de 2025 (ata as 23.59 horas) e deberán ser enviadas ao correo: cim@concellodenegreira.es. O fallo do xurado será publicado na web do Concello de Negreira antes do día 13 de outubro. 

As persoas interesadas en participar poderán facelo en dúas categorías:

• Maiores (de 18 anos en diante)
• Rapazada (menores de 18 anos). 

O premio será un vale de 100 € para cada unha das categorías para compras no comercio local do Concello de Negreira.

A continuación, publícanse as bases que rexerán o concurso, así como os demais documentos necesarios para a participación

17 actividades compoñen o Outono cultural deste 2025...

Teatro - Titeres - Danza - Música Presentación de libros - Certame de Poesía- Exposicións-Contacontos...

Unha programación  da máxima calidade con actividades para todalas idades e  tódolos gustos a precios reducidos ao máximo ou gratuitas...

Non aí excusas,  SÓ FALTAS TI.

Agradecemento especial a tódalas institucións que a fan posible:

• Circuítos culturais da Deputación de A Coruña
• Outono das Artes da  Deputación de A Coruña.
• Rede Galega de teatros e auditorios de Agadic - Xunta.
• Xacobeo.gal

Toda a información nas redes de Cultura Negreira.

Venda anticipada de entradas en www.woutick.es ou oficina de cultura de 08:00 a 14:00h.

#culturanegreira #outonocultural #certamedepoesiaardeiro #redegalegadeteatroseauditorios
#outonodasartes #aculturaeundereito
#auditorioafonsoeanesdocoton

A cuadraxésima cuarta edición de  A Clásica, a Carreira Internacional de Negreira, foi presentada polo Concello como organizador dun evento incluido no calendario nacional da Federación Española de Atletismo e que se celebrará o domingo 2 de novembro. Inclúe duas probas principais, o 5K e o 10K. Ademáis, terá catro probas escolares. As inscricións están abertas na web emesports.es cun prezo de oito euros para adultos ata o 12 de outubre. Con posterioridade serán dez, ata o peche do prazo.

Na presentación, na que oficiaron como anfitrións o alcalde, Manuel Ángel Leis,  a concelleira de Deportes, Mar García Vidal, e contou coa presenza de representantes do Club Triatlón O Cotón e do Club Atletismo Negreira. Avanzouse que haberá un novo circuito homologado, tratando de melloralo para os corredores.

Un ano máis, na Clásica de Negreira repartiránse 6.000 euros en premios e espérase unha representación de atletas africanos que a convirten en todo un espectáculo para os amantes do running.

Mais info
 

O Concello de Negreira informa á cidadanía en xeral da implantación dun novo horario de atención ó público nas oficinas e departamentos municipais da Casa do Concello, na rúa do Carme 3, a partir do martes 23 de setembro, e que vai de 09:00 a 14:00 horas e que responde á necesidade pola carga de traballo en momentos puntuais, de realizar unha labor máis eficaz no día a día.

As dúas horas restantes, de 8 a 9 e de 14 a 15 horas, respectivamente, foron fixadas para organizarse e realizar traballos previos por parte de cada departamento municipal.     

Abrese o prazo para poder participar no XIV Certame de Poesía Xosé M. López Ardeiro.
Estara aberto ata o 16 de decembro  e o fallo do xurado e entrega de premios esta prevista para o 16 de xaneiro de 2026 no Auditorio Afonso Eanes do Cotón.

Manteñense os premios de 2500€ mais a publicación do libro para o gañador e de 500€ para o finalista , no que é xa un dos Certames de Poesía  mais importantes da nosa Comunidade Autonoma.

Agradecer  a colaboración da Secretaría Xeral de Cultura  para poder levalo a cabo xunto co Concello de Negreira.

Mais información en : 

email: marcos.perez@concellodenegreira.es

telefono:676454879

Redes: facebook cultura negreira - instagram: @culturanegreira